200
بھارت کے معروف کرکٹر شیکھر دھون کی جانب سے انٹرنیشنل اور ڈومیسٹک کرکٹ سے ریٹائرمنٹ کا اعلان کر دیاگیا ہے۔
غیر ملکی میڈیا کے مطابق شیکھر دھون نے سوشل میڈیا پر ریٹائرمنٹ کا اعلان کرتے ہوئے یہ کہا کہ کرکٹ کے اس سفر کو الوداع کہنے پر دل میں ایک سکون ہے کہ اپنے ملک کے لیے پرفارم کیا۔
شیکھر دھون کا یہ کہنا تھا کہ میں بی سی سی آئی کا شکر گزار ہوں جنہوں نے مجھے موقع دیا ہے۔
بھارتی کرکٹر نے کہا کہ میں اس بات پر خوش ہوں کہ اپنے ملک کے لیے کھیلا ہوں اور یہ میرے لیے باعث فخر ہے، میں آج ایک ایسے موڑ پر کھڑا ہوں جہاں پیچھے دیکھنے پر صرف یادیں ہی یادیں ہیں اور آگے دیکھنے پر پوری دنیا ہے۔
شیکھر دھون کا کہنا تھا کہ میری ہمیشہ سے ایک ہی منزل تھی کہ اپنے ملک بھارت کے لیے کھیلنا اور وہ ہوا بھی۔
یاد رہے کہ شیکھر دھون کی جانب سے 20 اکتوبر 2010 کو بھارتی کرکٹ ٹیم میں ڈیبیو کیا گیا تھا۔
