184
بوم بوم کے نام سےمعروف سابق کپتان پاکستانی کرکٹ ٹیم شاہد آفریدی نے بنگلہ دیش کے خلاف 4 فاسٹ باؤلرز کھلانے کے فیصلے پر سوالات اٹھا دیے ہیں۔
سماجی رابطے کی ویب سائٹ ایکس پر جاری کردہ ٹویٹ کے مطابق سابق کپتان شاہد آفریدی کی جانب سے پاکستان کی بنگلہ دیش کے خلاف بدترین شکست پر ردِعمل دیا گیا ہے، سابق کپتان نے کہا کہ 10 وکٹوں سے قومی ٹیم کو شکست کے بعد پِچ کی تیاری پر سوالات اٹھتے ہیں۔
سابق کرکٹر کا یہ کہنا تھا کہ 4 فاسٹ باؤلرز کا انتخاب اور1 ماہر اسپنر کو ڈراپ کرنے پر بھی سنگین سوالات اٹھتے ہیں۔
شاہد آفریدی کا یہ کہنا تھا کہ بنگلہ دیش کی ٹیم نے پورے ٹیسٹ میچ میں بہترین کرکٹ کھیلی، بہترین کھیل کا کریڈٹ بنگلہ دیشی ٹیم کو جاتا ہے۔
واضح رہے کہ راولپنڈی کرکٹ اسٹیڈیم میں پاکستان اور بنگلہ دیش کے درمیان کھیلے جانے والے ٹیسٹ میچ میں مہمان ٹیم نے پہلی مرتبہ پاکستانی ٹیم کو ٹیسٹ فارمیٹ میں شکست دے دی ہے۔
