بھارتی کرکٹر آل راؤنڈر اور ٹی ٹوئنٹی ورلڈ کپ 2024 کے اسکواڈ کا حصہ بننے والے رویندرا جڈیجا نے سیاست کے میدان میں قدم رکھ لیا۔
غیر ملکی میڈیا کے مطابق رویندرا جڈیجا نے بھارت کی حکمراں جماعت بھارتیہ جنتا پارٹی (بی جے پی) میں شمولیت اختیار کرلی ہے۔
رویندر جڈیجا کی سیاست میں شمولیت کا اعلان بھارتی آل راؤنڈر کی زوجہ ریوابا جڈیجا نے کیا، جو خود بھی بی جے پی کی رکن پارلیمنٹ ہیں۔
غیر ملکی میڈیا کے مطابق آل راؤنڈر کی زوجہ ریوابا گجرات کے شہر جام نگر سے بی جے پی کی ایم ایل اے منتخب ہوئیں، وہ سال 2022 میں رکن پارلیمنٹ منتخب ہوئیں تھی۔
اس سے پہلے کرتی آزاد، محمد اظہر الدین، نوجوت سنگھ سدھو، محمد کیف، چیتن چوہان، ونود کامبلی اور منوج پربھارکر سمیت کئی بھارتی کرکٹرز بھی سیاست کے میدان میں آچکے ہیں۔
واضح رہے کہ رویندرا جڈیجا بھارتی ٹیم کی نمائندگی کرتے ہوئے 72 ٹیسٹ میچوں میں 3 ہزار سے زائد رنز اور 294 وکٹیں حاصل کرچکے ہیں، ون ڈے میں آل راؤنڈر کی جانب سے 197 میچز میں 2 ہزار 756 رنز بنائے گئے اور 220 وکٹیں لی گئیں ہیں۔
