قومی کرکٹر رضا حسن نے بھارتی غیر مسلم خاتون پوجا سے منگنی کرلی ہے۔
رضا حسن اور پوجا کے درمیان منگنی کی تقریب نیویارک میں منعقد ہوئی، کرکٹر رضا حسن کا کہنا ہے کہ جنوری فروری میں شادی کی باقاعدہ تقریب منعقد ہوگی۔
اس موقع پر کرکٹر رضا حسن کا کہنا تھا کہ غیر مسلم لڑکی پوجا ہمارے مذہب اسلام میں گہری دلچسپی رکھتی ہے جلد ہی مسلمان ہو جائے گی۔
32 سالہ رضا حسن پاکستان کو مستقل طور پر چھوڑ کر امریکہ میں شفٹ ہوچکے ہیں۔
رضا حسن نے پاکستان کی جانب سے ایک ون ڈے جبکہ 10 ٹی ٹوئنٹی انٹرنیشنل میچز میں ملک کی نمائندگی کر رکھی ہے۔
دوسری جانب ٹیسٹ میچ سے پہلے انگلش کرکٹر اولی اسٹون اپنی شادی کو لے کر پریشان ہوگئے۔
پاکستان اور انگلینڈ کے درمیان ٹیسٹ میچ سے پہلے انگلش کرکٹر اولی اسٹون اپنی شادی کو لے کر غمگین ہوگئے۔
انگلش ٹیم کے فاسٹ باؤلر اولی اسٹون کی شادی 12 اکتوبر کو برطانیہ میں طے پائی ہے جبکہ پاکستان اور برطانیہ کے درمیان پہلا ٹیسٹ 7 سے 11 اکتوبر کو کھیلا جائے گا۔
