معروف مذہبی اسکالر ڈاکٹر ذاکر نائیک کی جانب سے رواں سال دورہ پاکستان کا اعلان کردیا گیا ہے۔
سماجی رابطوں کی ویب سائٹ ”ایکس“ پر ڈاکٹر ذاکر نائیک کے آفیشل اکاؤنٹ سے ایک پوسٹ میں یہ اعلان کیا گیا ہے کہ حکومت پاکستان کی دعوت پر معروف اسکالر پاکستان آئیں گے۔
سوشل میڈیا پوسٹ میں ڈاکٹر نائیک کے دورہ پاکستان کا شیڈول بھی درج تھا جس میں یہ بتایا گیا کہ وہ کراچی، لاہور اور اسلام آباد میں عوامی اجتماعات سے خطاب کریں گے۔
ذاکر نائیک 5-6 اکتوبر کو کراچی، 12-13 اکتوبر کو لاہور جبکہ 19 اور 20 اکتوبر کو وفاقی دارالحکومت میں خطاب کریں گے۔
دوسری جانب ضلعی انتظامیہ نے پاکستان تحریک انصاف کو کاہنہ مویشی منڈی میں جلسے کی مشروط اجازت دے دی۔
پی ٹی آئی آج لاہور میں عوامی طاقت کا مظاہرہ کرے گی، ضلعی انتظامیہ کی جانب سے کاہنہ مویشی منڈی میں جلسے کی مشروط اجازت دے دی گئی ہے۔
لاہور کے قصور روڈ کاہنہ کے مقام پر جلسہ کے لیے پاکستان تحریک انصاف کارکنان کی آمد کا سلسلہ جاری ہے ، وزیراعلیٰ کے پی علی امین گنڈا پور کی قیادت میں تحریک انصاف کے کارکنان لاہور پہنچیں گے۔
