155
چینی وزیراعظم لی چیانگ 14 تا 17 اکتوبر پاکستان کا دورہ کریں گے۔
ترجمان دفتر خارجہ ممتاز زہرا بلوچ کے مطابق چینی وزیراعظم وفد کےساتھ پاکستان پہنچیں گے، وہ وزیراعظم پاکستان شہبا ز شریف سے ملاقات بھی کریں گے۔
چین کے وزیراعظم کےساتھ وزراء اور سینئر حکام بھی ہوں گے،چینی وفد میں وزارت خارجہ، وزارت تجارت، قومی ترقیاتی اصلاحاتی کمیشن کے نمائندے ہوں گے۔
ترجمان کے مطابق چینی وفد میں چین کی عالمی ترقیاتی تعاون ایجنسی کے نمائندے بھی ہوں گے ۔
شہباز شریف اور چین کے وزیراعظم پاک چین تعلقات کے تمام پہلوؤں پر تبادلہ خیال کریں گے ، علاوہ ازیں علاقائی اور عالمی پیش رفت پر بھی گفتگو کی جائے گی ۔
