چیئرمین پی ٹی آئی بیرسٹر گوہر کی جانب سے یہ اعتراف کیا گیا ہے کہ پی ٹی آئی کے 2 اراکین قومی اسمبلی پارٹی سے رابطے میں نہیں ہیں۔
ایک انٹرویو میں بیرسٹر گوہر کا کہنا تھا کہ پی ٹی آئی کے 2 اراکین قومی اسمبلی پارٹی سے رابطے میں نہیں ہیں لیکن وہ ان سے رابطے کرنے کی کوشش کر رہے ہیں۔
بیرسٹر گوہر کی جانب سے وزیر اعلی کے پی علی امین گنڈا پورکے بیان کا دفاع کرتے ہوئے یہ کہا گیا ہے کہ علی امین گنڈاپور پُرامن تھے اور وزیراعلیٰ کا کسی بھی صوبے پر چڑھائی کا کوئی ارادہ نہیں تھا۔
چیئرمین پی ٹی آئی کا کہنا تھا کہ علی امین گنڈا پور کا بیان پارٹی کیلئے زحمت نہیں ہے، وہ مستقبل میں ہونے والے جلسوں میں بھی شریک ہوتے رہیں گے۔
دوسری جانب وزیراعلیٰ علی امین گنڈاپور سے پشتون تحفظ موومنٹ کے سربراہ منظور پشتین نے ملاقات کی ہے۔
اس متعلق منظور پشتین نے کہا کہ علی امین گنڈاپور کو 11 اکتوبر کو پشتون قومی عدالت میں باقاعدہ شرکت کی دعوت دی ہے۔
منظور پشتین کا کہنا تھا کہ وزیراعلیٰ خیبرپختونخوا نے ہر ممکن تعاون اور جرگے میں نمائندگی کا بھی کہا، متوقع تقریب میں تمام مکاتب فکر کے نمائندے اور عوام شریک ہوں گے۔
