پاکستانی شہری بینک اکاؤنٹس میں 97 ارب روپے رکھ کر بھول گئے۔
سینیٹ کی قائمہ کمیٹی برائے خزانہ کے اجلاس میں یہ انکشاف ہوا ہے کہ پاکستانی شہری بینک اکاؤنٹس میں 97 ارب روپے رکھ کر بھول گئے ہیں۔
کمیٹی کو بتایا گیا کہ یہ بھاری رقم مختلف بینکوں کے عارضی طور پر بند 1 کروڑ 40 لاکھ اکاؤنٹس میں پڑی ہوئی ہے، کھاتہ داروں کو 3 نوٹسز بھجوانے کے بعد فنڈز اسٹیٹ بینک کو منتقل ہوجاتے ہیں۔
حکام کا کہنا ہے کہ لاکھوں اکاؤنٹ ہولڈرز 10 سال بعد بھی عارضی بند اکاؤنٹس فعال کرانے آتے ہیں، کمیٹی نے عارضی بند اکاؤنٹس دوبارہ فعال کرانے کیلئے اسٹیٹ بینک کی تجویز منظور کرلی ہے۔
دوسری جانب پاکستان کی سیاسی و معاشی حالت وقت کیساتھ ساتھ کمزور ہوتی جارہی ہے، مہنگی بجلی اور اضافی ٹیکسز کے باعث ملک کا سفید پوش طبقہ غربت کی لکیر سے نیچے چلا گیا ہے۔
یاد رہے کہ آجکل پاکستان کے صوبہ بلوچستان میں دہشتگردی کے واقعات بہت زیادہ دیکھنے میں آرہے ہیں، بلوچستان کے مسائل کے حل کیلئے حکومت پاکستان کی جانب سے اقدامات جاری ہیں۔
