راولپنڈی، رہنما مسلم لیگ( ن) حنیف عباسی کا کہنا ہے کہ پاکستان کو توڑنے والے آج شرمسار ہو چکے ہیں۔
جڑواں شہروں میں تقریب سے خطاب کے دوران ن لیگی رہنما حنیف عباسی نے کہا کہ تاجروں کو سہولیات کی فراہمی ہماری ترجیح رہی ہے، ملک ترقی کی جانب گامزن ہے، ہماری1 سال کی کارکردگی کے مخالفین بھی معترف ہیں۔
حنیف عباسی کا کہنا ہے کہ پاکستان کو توڑنےوالے آج شرمسارہوچکے ہیں، انتشاراورفسادکی سیاست ملکی مفادمیں نہیں ہے، پاکستان کی حفاظت کیلئے ہماراخون حاضر ہے۔
رہنما مسلم لیگ( ن) نے کہا کہ ملکی سلامتی ہماری ریڈ لائن اور گالم گلوچ کا کلچر بند ہونا چاہیے، پی ٹی آئی دور میں ہمارے دوست ممالک ناراض ہوئے، پی ٹی آئی کی حکومت میں ترقی کا ایک منصوبہ بھی نہیں لگا۔
دوسری جانب گورنر خیبر پختونخوا فیصل کریم کنڈی کی جانب سے علی امین گنڈاپور کو سندھ کے وزیر اعلیٰ کی کارکردگی پر مذاکرے کا چیلنج دے دیا گیا۔
اپنے بیان میں گورنر پختونخوا نے کہا کہ وزیر اعلیٰ سندھ سے1 فیصد بھی زیادہ کارکردگی کی ہو تو وزیر اعلیٰ سندھ حکومت چھوڑ دیں گے، علی امین گنڈا پور مناظرے میں ہار گئے تو استعفیٰ دے دیں۔
