وزیر اعلیٰ پنجاب مریم نواز شریف کی شیخ زید ہسپتال رحیم یار خان آمد۔
وزیر اعلیٰ مریم نواز شریف نے کچہ میں ڈاکوؤں کے حملے میں زخمی ہونے والے پولیس کے جوانوں کی عیادت کی۔
مریم نواز نے شیخ زید ہسپتال میں زخمی پولیس جوانوں وسیم ارشد، بلال، فاروق، نبیل شہزاد، زاہد، سعید محمد ایوب کے لئے صحت یابی کی دعا کی۔
وزیر اعلیٰ مریم نواز شریف کی اس موقع پر زخمی جوانوں کے والدین اوراہل خانہ سے بھی ملاقات ہوئی۔
زخمی سپاہی بلال نے مریم نواز سے اپنے عزم کا اظہار کرتے ہوئے کہا کہ حوصلے بلند ہیں، ٹھیک ہوکر پھر مقابلہ کرینگے۔ امن دشمنوں سے لڑتے رہیں گے۔ وزیر اعلیٰ مریم نواز شریف نے بلال کو شاباش دی اور اسے قابل فخر قرار دیا۔
مریم نواز کا شیخ زید ہسپتال میں گفتگو کے دوران کہنا تھا کہ پولیس کے جوان بھائیوں اور بیٹوں کی مانند ہیں۔ انکی تکلیف کو اپنی پریشانی سمبھتی ہوں۔ حملہ کرنے والوں کو نہیں چھوڑیں گے۔
وزیر اعلی مریم نواز شریف نے ہسپتال کے ڈاکٹر اور اسٹاف کی بھی بات سنی اور ہسپتال میں درپیش مسائل حل کرنے کی ہدا یت کی۔
چیف سیکرٹری زاہد اختر زمان، معاون خصوصی راشد نصر اللہ، ایڈیشنل آئی جی پولیس اور انتظامی حکام بھی وزیر اعلی کے ہمراہ تھے۔
