سابق وزیراعظم شاہد خاقان عباسی کا یہ کہنا ہے کہ نواز شریف کا ساتھ دیا لیکن نہ کبھی وزارت مانگی نہ عہدہ۔
لاہور،عوام پاکستان پارٹی کے رہنما اور سابق وزیراعظم شاہد خاقان عباسی کا کہنا ہے کہ نوازشریف کی سیاست سے میرا اتفاق تھا، مشکل ترین وقت میں ان کے ساتھ تھا، نہ وزارت مانگی نہ عہدہ۔
سابق وزیراعظم پاکستا ن شاہد خاقان عباسی نے لاہور میں تقریب سے خطاب میں یہ کہا کہ صدر مسلم لیگ (ن) نوازشریف کی سیاست سے میرا اتفاق تھا، مشکل ترین وقت میں ان کے ساتھ تھا، نہ وزارت مانگی نہ عہدہ۔
شاہ خاقان عباسی کا کہنا تھا کہ جماعت میں حق کی بات کرنا ہی سیاسی کامیابی ہوتی ہے، میں نے پارٹی میں رہ کر کبھی چاپلوسی نہیں کی، مسلم لیگ ن کے دوست گواہ ہیں، وزارت عظمیٰ کی بات ہوئی ہےتو وہاں 28 لوگ اور تھے جو آج ن لیگ کی اعلیٰ وزارتوں پر ہیں، مجھے 2018 کے الیکشن میں ہروایا گیا، مجھے بہت ساری فون کالز آئیں۔
سابق وفاقی وزیر کایہ کہنا تھا کہ سارا تجربہ حاصل کیا، جب وزیر بنا تو میرے لئے کچھ بھی مشکل نہیں تھا، میں نے 35 سال سیاست میں گزارے، 20 سال اپوزیشن اور 5 سال اقتدار میں رہا، میں ایم این اے بننے کے 30 سال بعد وزیر بنا۔
شاہد خاقان عباسی کا یہ کہنا تھا کہ میرے لئے یہ اہم فیصلہ تھا کہ ن لیگ کی قیادت بہتر ہے، سابق وزیراعظم نواز شریف کی 90 کی پالیسیاں بہت اچھی تھیں، میں ن لیگ کی سیاست کو دوسری جماعتوں سے بہتر سمجھتا تھا، جو کچھ کیا اور جو نہ کیا وہ سب آپ تما م لوگوں کے سامنے ہے۔
