154
لیفٹیننٹ جنرل محمد علی کی جانب سے سیکرٹری دفاع کا چارج سنبھال لیا گیا ہے۔
ذرائع کا کہنا ہے کہ وزیراعظم شہبازشریف نے گزشتہ ہفتے سیکرٹری دفاع کی تعیناتی کی منظوری دی تھی اور نئے سیکرٹری دفاع کی تعیناتی 2 سال اور 3 ماہ کے لیے کی گئی ہے۔
اطلاعات کے مطابق لیفٹیننٹ جنرل محمد علی 31 دسمبر 2026 تک بطور سیکرٹری دفاع تعینات رہیں گے۔
ذرائع کے مطابق لیفٹیننٹ جنرل (ر) حمود الزمان کی بطور سیکرٹری دفاع 2 سالہ مدت اگست میں مکمل ہوگئی تھی، بعد ازاں وزارت دفاع کے ایڈیشنل سیکرٹری کو قائم مقام سیکرٹری دفاع مقرر کیا گیا تھا۔
ذرائع کا کہنا تھا کہ میجر جنرل عامر اشفاق کیانی قائم مقام سیکرٹری دفاع کی ذمہ داریوں سے آج فارغ ہو جائیں گے۔
