پشاور، مشیر اطلاعات خیبر پختونخوا بیرسٹر ڈاکٹر سیف کی جانب سے یہ انکشاف کیا گیا ہے کہ سابق وزیراعظم عمران خان کو اڈیالہ جیل میں کان کی تکلیف ہوگئی ہے۔
نجی ٹی وی کے پروگرام میں گفتگو کے دوران بیرسٹر سیف کا یہ کہنا تھا کہ عمران خان کو الیکٹرک ٹوتھ برش اور مشق کیلئے ڈمبل بھی چاہئیں، ان کی اپنے بیٹوں سے بھی بات نہیں کرائی جارہی ہے۔
بیرسٹر سیف کا یہ کہنا تھا 22 اگست کا جلسہ ملتوی ہونے کے بعد کارکنان کی جانب سے مایوسی کا اظہار کیا گیا ہے۔
بیرسٹر سیف کا یہ کہنا تھا عمران خان نے کہا کہ پارٹی رہنماؤں کو ساتھ بٹھائیں اور اختلافات ختم کروائیں۔
واضح رہے کہ چند روز پہلےعمران خان کا شوکت خانم ہسپتال کے طبی ماہرین نے بھی معائنہ کیا تھا اور عمران خان کی صحت کو اچھا قرار دیا تھا۔
دوسری جانب سندھ حکومت کی جانب سے نیشنل گیمز میں شریک کھلاڑیوں کے ڈوپ ٹیسٹ کرانے کا فیصلہ کرلیا گیا ہے۔
پاکستان اولمپک ایسوسی ایشن نے 35 ویں قومی کھیلوں کے کراچی میں انعقاد کی منظوری دے دی ہے۔
اسی حوالے سے صدر پاکستان اولمپک ایسوسی ایشن کا یہ کہنا ہے کہ پاکستان اولمپکس ایسوسی ایشن اور سندھ اولمپکس ایسوسی ایشن کی مشاورت سے نیشنل گیمز کی تاریخوں کا اعلان کیا جائے گا۔
