151
اسلام آباد ہائیکورٹ کی جانب سے پی ٹی آئی کے رکن قومی اسمبلی شیر افضل مروت کو کسی بھی مقدمے میں بغیر اجازت گرفتار کرنے سے روک دیا گیا ہے۔
جسٹس اسلام آباد ہائیکورٹ ثمن رفعت امتیاز کی جانب سے شیر افضل مروت کی درخواست پر تحریری حکم نامہ جاری کردیا گیا ہے۔
شیر افضل مروت کی جانب سے وکلاء عادل عزیز قاضی اور ریاست علی آزاد کے ذریعے اسلام آباد ہائیکورٹ میں درخواست دائر کی گئی تھی۔
عدالت نے رہنما پی ٹی آئی شیر افضل مروت کی درخواست پر سیکرٹری داخلہ، آئی جی اسلام آباد، آئی جی پنجاب اور ایف آئی اے کو نوٹسز جاری کرتے ہوئے فریقین کو درخواست پر پیراوائز کمنٹس جمع کرانے کا بھی حکم دے دیا اور درخواستگزار کے خلاف درج مقدمات کی تفصیلات بھی طلب کرلی ہیں۔
عدالتی حکمنامے کے مطابق رہنما پی ٹی آئی شیر افضل مروت کو کسی خفیہ مقدمے میں گرفتاری کا خدشہ ہے، رہنما پی ٹی آئی کو عدالت کی اجازت کے بغیر کسی بھی مقدمے میں گرفتار نہ کیا جائے۔
