391
وزیراعظم آزاد کشمیر چوہدری انوارالحق کا کہنا تھا کہ ظلم و جبر میں ہونے والے الیکشن کشمیری قوم قبول نہیں کرے گی۔
سدھنوتی، وزیر اعظم آزاد کشمیر چودھری انوار الحق کا کہنا تھا کہ مقبوضہ کشمیر میں ڈھونگ الیکشن کرائے جا رہے ہیں، ظلم و جبر میں ہونے والے الیکشن کشمیری قوم قبول نہیں کرے گی، مقبوضہ کشمیر انشاءاللہ جلد آزاد ہوگا۔
آزاد کشمیر کے ضلع سدھنوتی میں عوام سے خطاب کے دوران چودھری انوار الحق کا کہنا تھا کہ آج جو ہم سکون کی زندگی بسر کر رہے ہیں، یہ خاکی وردی کی قربانی ہے، جہاں پاکستان کو خطرہ ہوا وہاں خاکی وردی والوں نے اپنی جانوں کا نظرانہ پیش کیا۔
وزیراعظم آزاد کشمیر کا کہنا تھا کہ حکومت پاکستان کے تعاون سے عوام کو آٹے اور بجلی میں ریلیف دیا ہے، ہم کسی بھی صورت میں مملکت خداد پاکستان کی احسان فراموشی نہیں کرسکتے۔
چوہدری انوارالحق کا کہنا تھا کہ بلوچ لوگوں کی تحریک آزادی میں خدمات فراموش نہیں کی جا سکتیں، کشمیر آزاد کرانے والے یہاں کے لوگ ہیں۔
