155
اسلام آباد، سینیٹر تحریک انصاف علی ظفر کی جانب سے وزیراعظم شہباز شریف سے مستعفی ہونے کا مطالبہ کردیا گیا ہے۔
سینیٹ اجلاس سے خطاب کے دوران سینیٹر علی ظفرکا کہنا ہے کہ احتجاج کرنے والے ارکان کو پارلیمنٹ کے احاطے سے حراست میں لیا گیا ہے۔
علی ظفر نے وزیراعظم پاکستان شہباز شریف سے مستعفی ہونے کا مطالبہ کرتے ہوئے یہ کہا کہ یہ جمہوریت، آئین اور احتجاج کی آزادی کے تابوت میں آخری کیل ہے، سارے لوگ انقلاب کیلئے تیار ہوجائیں۔
دوسری جانب (ن) لیگ کے سینیٹر عرفان صدیقی نے کہا کہ یہ وہ فصل ہے جو آپ نے بوئی اور ہمیں کاٹنا پڑ رہی ہے، آپ کے ساتھ جو واقعہ ہوا ہم اسکی مذمت کرتے ہیں۔
ن لیگی رہنما کا کہنا تھا کہ پارلیمنٹ کو تباہ و برباد کرنے والے انقلاب نہیں لانے دیں گے، پاکستان کو انقلاب کی نہیں ٹھہراؤ کی ضرورت ہے۔
واضح رہے کہ کچھ دن پہلے پی ٹی آئی کے رہنماؤں کو پارلیمنٹ سے حراست میں لیا گیا تھا، جس میں شیر افضل مروت، بیرسٹر گوہر اور زین قریشی بھی شامل تھے۔
