عدالت نے بیوی کے قتل پر سزا کے خلاف شوہر اور دیور کی اپیلیں منظور کرتے ہوئے انہیں بری کردیا۔
کراچی، سندھ ہائیکورٹ کی جانب سے بیوی کے قتل پر سزا کے خلاف شوہر اور دیور کی اپیلیں منظور کرتے ہوئے سزائیں کالعدم قرار دے دی گئیں ہیں۔
سندھ ہائیکورٹ کی جانب سے خاتون کے قتل کیس میں شوہر اور دیوروں کی جانب سے سزا کے خلاف اپیلوں پر سماعت کی گئی، جس میں عدالت نے اپیل کنندگان کی اپیلیں منظور کرتے ہوئے مقتولہ خاتون کے شوہر اور ایک دیور کو الزام سے بری کردیا۔
سندھ ہائیکورٹ نے مقدمے کے تیسرے ملزم اور مقتولہ کے دیور کامران کی اپیل مسترد کی اور اسے ذہنی مریض ہونے کی وجہ سے نفسیاتی اسپتال منتقل کرنے کا حکم دیا۔
عدالت نے اپنے فیصلے میں یہ کہا کہ ریکارڈ کے مطابق ملزم کامران شیزوفرینیا بیماری کا شکار ہے، ملزم کو علاج اور دیکھ بھال کی ضرورت ہے۔
سندھ ہائیکورٹ کی جانب سے یہ فیصلہ دیا گیا کہ استغاثہ ملزم رضوان اور عمران پر الزام ثابت کرنے میں ناکام رہا۔
واضح سیشن عدالت کی جانب سے خاتون کے قتل کے الزام میں تینوں ملزمان بھائیوں کو عمر قید اور جرمانے کی سزا سنائی گئی تھی۔
