282
سندھ حکومت کی جانب سے شہدائے کربلا کے چہلم پر صوبے بھر میں موٹر سائیکل کی ڈبل سواری پر پابندی عائد کردی گئی ہے۔
کراچی، حیدرآباد، میرپور خاص، نوابشاہ، سکھر اور لاڑکانہ سمیت صوبے بھر میں پیر 26 اگست کو موٹر سائیکل کی ڈبل سواری پر پابندی عائد کردی گئی ہے۔
سندھ حکومت نے چہلم کے موقع پر ڈرون کیمرے اڑانے پر بھی پابندی لگادی ہے۔
سندھ حکومت نے صوبے بھر کے ایس ایس پیز کو پابندی پر عملدرآمد یقینی بنانے کا حکم جاری کردیا ہے۔
اس سے پہلے سندھ حکومت نے چہلم شہدائے کربلا کے موقع پر سندھ بھر کے اسکولوں میں تعطیل کا اعلان کیا گیا تھا۔
صوبائی محکمہ تعلیم کی جانب سے چہلم حضرت امام حسین کے موقع پر پیر 26 اگست کو صوبے کے تمام سرکاری و پرائیوٹ اسکولوں میں تعطیل کا اعلان کردیا گیا ہے۔
یاد رہے کہ چہلم امام حسین کے موقع پر ملک بھر میں مختلف مقامات پر جلوس و مجالس کا اہتمام کیا جاتا ہے۔
