16
کشمیری حریت رہنما یاسین ملک کی 13 سالہ بیٹی رضیہ سلطان نے ویڈیو پیغام میں کہا کہ بھارتی حکومت انہیں سزائے موت دینے جا رہی ہے، عالمی طاقتیں مداخلت کریں۔
سری نگر، کشمیری حریت رہنما یاسین ملک کی 13 سالہ بیٹی رضیہ سلطان نے عالمی برادری سے اپنے والد کی جان بچانے کی اپیل کی ہے۔
ایک ویڈیو بیان میں رضیہ سلطان نے کہا کہ بھارتی حکومت ان کے والد کو کشمیر کاز کے لیے آواز بلند کرنے کی پاداش میں آئندہ دنوں میں سزائے موت دینے جارہی ہے۔
انہوں نے امریکا، چین، اقوام متحدہ اور انسانی حقوق کی عالمی تنظیموں سے فوری مداخلت کی درخواست کرتے ہوئے کہا کہ ان کے والد کی زندگی بچانا انسانیت کا تقاضا ہے۔
یاد رہے کہ یاسین ملک طویل عرصے سے بھارتی جیل میں قید ہیں اور کشمیری تحریکِ آزادی کے نمایاں رہنماؤں میں شمار کیے جاتے ہیں۔
