گیس کے بل زیادہ کیوں آتے ہیں؟ سوئی سدرن نے اصل وجہ بتا دی

قومی اسمبلی کی قائمہ کمیٹی کے اجلاس میں سوئی سدرن گیس کمپنی کے نمائندے نے گیس بلوں میں اضافے کی وجوہات واضح کر دیں۔

نمائندے نے بتایا کہ گیس چوری اور لیکیج دونوں بل بڑھنے کی بڑی وجوہات ہیں۔ بعض اوقات میٹر کے بعد لیک ہونے والی گیس بھی صارف کے بل میں شامل ہو جاتی ہے۔

گیس کی لوڈشیڈنگ کے بارے میں بتایا گیا کہ بندش رات 10 بجے سے صبح 5 بجے تک ہوتی ہے، تاہم سوا 9 بجے سے بندش کا عمل شروع کر دیا جاتا ہے۔

اووربلنگ سے متعلق سوال پر کمپنی کا کہنا تھا کہ اگر میٹر ریڈنگ بروقت نہ ہو تو سلیب چینج ہو جاتا ہے جس سے ریٹ زیادہ لگتا ہے۔ کمپنی کے مطابق ریڈنگ کی تصویر تاریخ کے ساتھ بل پر شائع کی جاتی ہے۔