گوگل نے سال 2025 میں پاکستان میں سب سے زیادہ تلاش کیے جانے والے موضوعات کی فہرست جاری کر دی ہے، جس میں سات اہم کیٹیگریز شامل ہیں کرکٹ، ایتھلیٹس، مقامی خبریں، ٹیکنالوجی، کھانوں کی تراکیب، ہاؤ ٹو سرچز اور ڈرامے۔
یہ فہرست سال بھر کی کھربوں سرچز کا تجزیہ کر کے بنائی گئی ہے تاکہ یہ دکھایا جا سکے کہ کون سے موضوعات صارفین میں زیادہ مقبول ہوئے۔
کرکٹ
کرکٹ کے شعبے میں پاکستان بمقابلہ جنوبی افریقہ میچ سب سے زیادہ سرچ کیا گیا۔ اس کے بعد پاکستان سپر لیگ، ایشیا کپ، پاکستان بمقابلہ بھارت، پاکستان بمقابلہ نیوزی لینڈ، بھارت بمقابلہ انگلینڈ، پاکستان بمقابلہ ویسٹ انڈیز، بھارت بمقابلہ آسٹریلیا، آئی سی سی چیمپئنز ٹرافی اور پاکستان بمقابلہ یو اے ای سب سے زیادہ سرچ ہونے والے میچز میں شامل رہے۔
ایتھلیٹس
سب سے زیادہ سرچ کیے جانے والے کھلاڑی بھارتی کرکٹر ابھیشیک شرما رہے۔ دوسرے نمبر پر حسن نواز، تیسرے پر عرفان خان نیازی، چوتھے پر صاحبزادہ فرحان، پانچویں پر محمد عباس، چھٹے پر صائم ایوب، ساتویں پر یاسر خان، آٹھویں پر کاشت علی، نویں پر سیف حسن اور دسویں پر عبدالصمد شامل ہیں۔
مقامی خبریں:
پاکستان میں سب سے زیادہ دلچسپی پنجاب سوشل اکنامک رجسٹری، کراچی فلڈز، ایران سے متعلق خبریں، آسان کاروبار کارڈ، دریائے چناب میں سیلاب، فیڈرل بورڈ میٹرک کے نتائج، کراچی بورڈ میٹرک کے نتائج، وزیراعظم لیپ ٹاپ اسکیم، پاکستان میں سونے کی قیمت اور نویں جماعت کے امتحانات کی تاریخ پر رہی۔
ٹیکنالوجی
ٹیکنالوجی میں سب سے زیادہ سرچ گوگل جیمنائی رہی، اس کے بعد تماشا، ڈیپ سیک، مائی کو، On4t، گوگل اے آئی اسٹوڈیو، Claude، آئی فون 17، Grok اور نان فنجیبل ٹوکن شامل ہیں۔
ریسیپیز
سب سے زیادہ سرچ شدہ ریسیپی سینڈوچ رہی، اس کے بعد فوڈ فیوژن، Quinoa، Dough، میٹھے پکوان، مٹن، آسان، Tofu، سوپ اور بیف ریسیپیز شامل ہیں۔
ہاؤ ٹو سرچز
سب سے زیادہ سرچ کیا گیا کہ کراچی کا ای چالان کیسے چیک کیا جائے، اس کے بعد انسٹا گرام میسجز کو اَن سینڈ کرنا، کار انشورنس، کرپٹو مارکیٹ میں سرمایہ کاری، اسٹاک مارکیٹ، کریڈٹ کارڈ اپلائی کرنا، Ghibli فوٹو بنانا، بہترین وکیل منتخب کرنا، فون سے پرنٹ نکالنا اور بلاگ اپ لوڈ کرنا شامل ہیں۔
یہ فہرست ظاہر کرتی ہے کہ پاکستانی صارفین نے کھیل، ٹیکنالوجی، مقامی مسائل اور آسان ہدایات کے لیے گوگل پر سب سے زیادہ تلاش کی۔
