وزیر اطلاعات و ثقافت پنجاب عظمیٰ بخاری نے کہا ہے کہ تحریک انصاف کے بانی اور ان کی جماعت کی حالیہ سیاسی شکستیں ضمنی انتخابات سے فرار کی واضح نشانی ہیں۔
پنجاب میں حالیہ دو ضمنی انتخابات میں پی ٹی آئی کو بھاری مارجن سے شکست کا سامنا کرنا پڑا ہے، جس کی وجہ سے پارٹی کو امیدوار تلاش کرنے میں بھی مشکلات پیش آ رہی ہیں۔ اس کے برعکس مسلم لیگ (ن) کے ہر حلقے میں متعدد امیدوار سامنے آ رہے ہیں، جو عوام کے اعتماد اور حمایت کی علامت ہے۔
عظمیٰ بخاری نے علیمہ خان کے بیان پر ردعمل دیتے ہوئے کہا کہ پنجاب کے عوام نے بانی پی ٹی آئی کی نفرت اور ریاست مخالف سیاست کو مکمل طور پر مسترد کر دیا ہے۔ انہوں نے بتایا کہ بانی تحریک انصاف کے قریبی ساتھی امریکہ گئے تھے تاکہ ’’حقیقی آزادی‘‘ کا خواب پورا کریں، لیکن ناکامی کے بعد وہ لندن واپس لوٹ چکے ہیں۔ اب ان کی ’’حقیقی آزادی‘‘ کا مطلب صرف ’’مجھے معافی دے دو‘‘ بن چکا ہے۔
عمران خان نے جس طرح جیل کاٹی، ایسا میں نے کبھی سوچا بھی نہیں تھا، جاوید ہاشمی
عظمیٰ بخاری نے مزید کہا کہ آج پنجاب میں ’’شیر کا نشان‘‘ جیت کی علامت بن چکا ہے اور وزیر اعلیٰ پنجاب مریم نواز کی ایک سالہ شاندار کارکردگی نے مسلم لیگ (ن) کو عوام میں بے پناہ مقبولیت دی ہے۔ پنجاب میں مسلم لیگ (ن) اب ووٹروں کی پہلی اور مضبوط ترین پسند بن چکی ہے۔