6
انسداد دہشتگردی عدالت نے پی ٹی آئی رہنما عمر ایوب کو 4 اکتوبر کے احتجاج کیس میں اشتہاری قرار دے دیا۔
عدالت کے جج طاہر عباس سپرا نے سماعت کے دوران بتایا کہ مسلسل طلبی کے باوجود عمر ایوب پیش نہیں ہوئے، جس کے بعد یہ فیصلہ سنایا گیا۔
عدالت نے حکم دیا کہ عمر ایوب کا پاسپورٹ اور شناختی کارڈ بلاک کیا جائے اور ان کی جائیداد کی تفصیلات بھی طلب کر لی جائیں۔
واضح رہے کہ عمر ایوب کے خلاف تھانہ نون میں دہشتگردی کی دفعات کے تحت مقدمہ درج ہے اور کیس کی سماعت جاری ہے۔
