59 کراچی، وزیراعلیٰ سندھ مراد علی شاہ کا کہنا ہے کہ جو منصوبہ کاغذوں میں تھا وہ کاغذ ردی کی ٹوکری میں پھینک دیئے۔
کراچی، وزیراعلیٰ سندھ مراد علی شاہ کا کہنا ہے کہ جو منصوبہ کاغذوں میں تھا وہ کاغذ ردی کی ٹوکری میں پھینک دیئے۔
وزیراعلیٰ سندھ مراد علی شاہ نے اسلام آباد سے کراچی پہنچنے پر پرتپاک استقبال کے موقع پر کارکنوں سے خطاب کے دوران کہا کہ صوبوں کی باہمی رضامندی کے بغیر کوئی نئی نہر نہیں بنے گی، کچھ لوگ غلط کاغذ دکھا کر لوگوں کو گمراہ کرتے تھے، صوبہ سندھ کے عوام کو مبارکباد دیتا ہوں کینالز منصوبہ ختم ہوگیا۔
یاد رہے کہ گزشتہ روز وزیراعظم پاکستان محمد شہبازشریف نے کینالز منصوبے کو فوری طور پر ختم کرنے کا اعلان کیا تھا، انہوں نے کہا تھا کہ کوئی بھی منصوبہ صوبے کی رضا مندی کے بغیر نہیں بنے گا۔
دوسری جانب وفاقی وزیر داخلہ محسن نقوی نے ہدایت کی ہے کہ جناح سکوائر مری روڈ انڈر پاس منصوبہ مقررہ مدت میں مکمل کیا جائے تاکہ شہریوں کو جلد ریلیف مل سکے۔
وزیر داخلہ نے رات گئے منصوبے کا دورہ کیا اور تعمیراتی کام کا جائزہ لیا۔
