10
قومی اسمبلی میں حکومت اور اپوزیشن کے تعلقات میں تناؤ مزید بڑھ گیا ہے۔ منگل کو اپوزیشن گیلری میں بعض رہنماؤں نے تجویز دی کہ اگر محمود خان اچکزئی کو اپوزیشن لیڈر نہ بنایا گیا تو اسپیکر ایاز صادق کو زبردستی کرسی سے ہٹا دیا جائے۔
اس واقعے پر اسپیکر سردار ایاز صادق نے ردعمل دیتے ہوئے کہا کہ یہ اوچھی حرکتیں ہیں جو اپوزیشن کا اصل چہرہ ظاہر کرتی ہیں۔ انہوں نے کہا، "میں نے ہمیشہ جمہوری انداز میں ایوان کو چلایا اور آئین و قانون کی پاسداری کی ہے۔ ایسی کسی بھی حرکت کا بھرپور جواب دیا جائے گا۔”
ایاز صادق نے یہ بھی استفسار کیا کہ اگر محمود اچکزئی کو اپوزیشن لیڈر نہ بنایا گیا تو کیا اپوزیشن یہ سب کرے گی؟
یہ واقعہ قومی اسمبلی میں جاری کشیدگی اور حکومت و اپوزیشن تعلقات میں بڑھتے ہوئے تناؤ کی واضح عکاسی کرتا ہے۔
