جنوبی وزیرستان، وانا میں امن کمیٹی کے دفتر کے قریب بم دھماکے کے 3 زخمی دم توڑگئے۔
پولیس کا بتانا ہے کہ جنوبی وزیرستان کے علاقے وانا میں امن کمیٹی کے دفتر کے قریب 3 روز پہلے ہونیوالے بم دھماکے کے مزید 3 زخمی دم توڑ گئے جس کے بعد دھماکے میں جان کی بازی ہار نے والے افراد کی تعداد 12 ہوگئی۔
پولیس حکام کے مطابق ڈسٹرکٹ ہیڈکوارٹراسپتال وانا میں دھماکے میں زخمی ہونے والے 18 افراد تاحال زیر علاج ہیں۔
یاد رہے 3 روز پہلے ہونیوالے دھماکے میں امن کمیٹی کا دفتر مکمل طور پر تباہ ہو گیا تھا۔
یاد رہے کہ وزیرستان میں حالیہ دھماکوں کی وجہ تحریک طالبان پاکستان (TTP) کی بڑھتی ہوئی سرگرمیاں، افغانستان سے دراندازی، امن کمیٹیوں کو نشانہ بنانا اور غیر ملکی مداخلت ہے، دہشت گرد بچوں اور عام شہریوں کو بھی نشانہ بنا رہے ہیں، جس سے علاقے میں خوف و ہراس پھیل رہا ہے۔
سیکیورٹی ادارے کارروائیاں جاری رکھے ہوئے ہیں، مگر مکمل امن کیلئے عوامی تعاون اور علاقائی استحکام ناگزیر ہے
