سکھ فارجسٹس کے سربراہ گرپتونت سنگھ پنوں نے ویڈیو لنک پریس کانفرنس میں اعلان کیا ہے کہ وہ پاکستانی فوج کے ساتھ مل کر بھارت کا مقابلہ کریں گے۔
انہوں نے کہا کہ دلی خالصتان کا حصہ بنے گا اور 17 اگست کو امریکہ میں دلی کو خالصتان کے موضوع پر ریفرنڈم ہوگا، جس کا مقصد دلی کو خالصتان میں شامل کرنا ہے۔
گرپتونت سنگھ نے کہا کہ ہماچل پردیش، ہریانہ، راجستھان، اتر پردیش کے کچھ علاقے بھی خالصتان کے دائرہ کار میں شامل ہیں اور سکھوں کو آزادی کی تحریک کے ساتھ ہونا چاہیے۔
گرپتونت سنگھ نے مزید کہا کہ بھارت نے پاکستان پر حملہ کر کے معصوم خواتین اور بچوں کو شہید کیا، اور اس کے جواب میں سکھ پاکستانی فوج کے ساتھ مل کر دفاع کریں گے،انہوں نے فیلڈ مارشل عاصم منیر کے وائٹ ہاؤس میں مہمان بننے کو پاکستان کے لیے اعزاز قرار دیا اور کینیڈا کے وزیراعظم کے بھارت کو ناخوشگوار واقعات کا ذمہ دار ٹھہرانے کی بھی حمایت کی۔
آخر میں گرپتونت سنگھ نے بھارتی حکومت کی جانب سے سکھوں پر عائد پابندیوں کی مذمت کی اور کہا کہ یہ پابندیاں سکھوں کی آزادی کی تحریک کو دبانے کی کوشش ہیں۔
