انسدادِ دہشت گردی عدالت نے جناح ہاؤس حملہ کیس میں گرفتار بانی تحریک انصاف عمران خان کے بھانجے اور علیمہ خان کے صاحبزادے، شیر شاہ خان کے جسمانی ریمانڈ میں توسیع کی پولیس کی استدعا مسترد کر دی۔ عدالت نے فیصلے میں ملزم کو جوڈیشل ریمانڈ پر جیل بھیجنے کا حکم جاری کر دیا۔
شیر شاہ خان کے خلاف مقدمہ لاہور کے تھانہ سرور روڈ میں درج ہے، جس میں انہیں جناح ہاؤس حملے کے الزامات کا سامنا ہے۔
یاد رہے کہ چند روز قبل شیر شاہ خان کے بھائی، شاہ ریز عظیم خان کا 8 روزہ جسمانی ریمانڈ بھی منظور کیا گیا تھا، جبکہ شیر شاہ خان کو بعد ازاں گرفتار کیا گیا۔
عدالتی کارروائی کے بعد پی ٹی آئی رہنما اور وکیل سلمان اکرم راجہ نے میڈیا سے گفتگو کرتے ہوئے کہا کہ شیر شاہ خان کی ضمانت کے لیے درخواست آج یا کل دائر کی جائے گی۔
عمران خان کے بھانجے شیر شاہ خان 5 روزہ جسمانی ریمانڈ پر پولیس کے حوالے
انہوں نے مزید کہا کہ علیمہ خان پہلے ہی واضح کر چکی ہیں کہ ان کے اور عمران خان کے درمیان صرف بہن بھائی کا رشتہ ہے، اختلافات کی خبریں بے بنیاد ہیں۔
