سابق وزیراعظم شاہد خاقان عباسی دل کی تکلیف کے باعث اسپتال میں داخل، دو اسٹنٹ ڈالے گئے

اسلام آباد — سابق وزیراعظم اور عوامِ پاکستان پارٹی کے سربراہ شاہد خاقان عباسی کو دل میں تکلیف کے باعث اسپتال منتقل کیا گیا، جہاں ڈاکٹروں نے ابتدائی طبی معائنے کے بعد دو اسٹنٹ ڈالے۔

ذرائع کے مطابق شاہد خاقان عباسی کو اچانک سینے میں درد کی شکایت پر فوری طور پر اسپتال لایا گیا۔ میڈیکل ٹیم نے ان کا تفصیلی معائنہ کیا اور انجیوپلاسٹی کے دوران دو اسٹنٹ ڈالے گئے۔

اسپتال ذرائع کا کہنا ہے کہ سابق وزیراعظم کی طبیعت اب مکمل طور پر تسلی بخش ہے اور وہ ڈاکٹروں کی نگرانی میں ہیں۔

اہلِ خانہ کے قریبی ذرائع کے مطابق معالجین نے شاہد خاقان عباسی کو کئی دن آرام کرنے اور غیر ضروری ملاقاتوں سے گریز کی ہدایت دی ہے۔