جنوبی وزیرستان میں دفعہ 144 نافذ ، نقل و حرکت پر پابندی

سیکیورٹی خدشات اور فورسز کے سامان کی ترسیل کے باعث جنوبی وزیرستان لوئر کی تحصیل برمل میں صبح 6 سے شام 7 بجے تک دفعہ 144 کے تحت نقل و حرکت پر پابندی عائد کردی گئی۔

جنوبی وزیرستان: محکمۂ داخلہ نے سیکیورٹی خدشات کے پیش نظر جنوبی وزیرستان لوئر کی تحصیل برمل میں دفعہ 144 نافذ کرتے ہوئے نقل و حرکت پر پابندی عائد کردی ہے۔ نوٹیفکیشن کے مطابق پابندی صبح 6 بجے سے شام 7 بجے تک نافذ العمل ہوگی۔

یہ بھی پڑھیں

نوٹیفکیشن میں کہا گیا ہے کہ راغزئی بازار سمیت تمام مارکیٹس بند رہیں گی، جبکہ انگور اڈا، زم چینہ، خامرنگ، رغزئی، شولام تا وانا روٹ پر سفر کرنا ممنوع ہوگا۔

اعلامیے کے مطابق صرف ایمرجنسی کی صورت میں سیکیورٹی فورسز کی اجازت سے سفر کیا جا سکے گا۔ شہریوں کو ہدایت کی گئی ہے کہ فورسز کی گاڑی دیکھتے ہی اپنی گاڑی 100 میٹر فاصلے پر روکیں۔

وزیرستان اپر و لوئر کے مختلف علاقوں میں کرفیو نافذ

پابندی کا مقصد فورسز کے سامان کی ترسیل کے دوران سیکیورٹی یقینی بنانا ہے۔

شیئر کریں: