2025 کا دوسرا سورج گرہن 21 اور 22 ستمبر کو ہوگا، پاکستان میں نظر نہیں آئے گا

اسلام آباد: محکمہ موسمیات کلائمیٹ ڈیٹا پروسیسنگ سینٹر کے مطابق 2025 کا دوسرا سورج گرہن 21 اور 22 ستمبر کی درمیانی شب کو ہوگا، تاہم یہ پاکستان میں دکھائی نہیں دے گا۔

ماہرین کے مطابق سورج گرہن کا آغاز 21 ستمبر کو رات 10 بج کر 30 منٹ پر ہوگا۔ 22 ستمبر کو رات 12 بج کر 42 منٹ پر سورج گرہن اپنے عروج پر پہنچے گا جبکہ جزوی سورج گرہن کا اختتام رات 2 بج کر 54 منٹ پر ہوگا۔

محکمہ موسمیات کا کہنا ہے کہ رواں سال کا دوسرا سورج گرہن بھی پاکستان میں نظر نہیں آئے گا۔ یاد رہے کہ چند روز قبل پاکستان سمیت دنیا کے مختلف ممالک میں چاند گرہن کا دلکش نظارہ دیکھا گیا تھا۔

سال 2025 میں سورج اور چاند کو کتنی بار گرہن لگے گا؟