10
اسلام آباد ہائی کورٹ نے سابق چیف جسٹس پاکستان ثاقب نثار کی مبینہ آڈیو لیک کے معاملے پر کمیشن تشکیل دینے کی درخواست کو عدم پیروی کے باعث خارج کر دیا ہے۔
کیس کی سماعت کے دوران جب معاملہ کال کیا گیا تو درخواست گزار کی طرف سے کوئی نمائندہ پیش نہیں ہوا، جس پر جسٹس محمد آصف نے درخواست خارج کرنے کا حکم جاری کیا۔
واضح رہے کہ 2021 میں سابق چیف جسٹس ثاقب نثار کی ایک مبینہ آڈیو لیک سامنے آئی تھی، جس میں انہیں پانامہ کیس کے فیصلے سے متعلق ہدایات دیتے ہوئے سنا گیا تھا۔ اس آڈیو کے بعد اس کی تحقیق کے لیے کمیشن بنانے کی درخواست دائر کی گئی تھی۔
