13
اسلام آباد، سپریم کورٹ نے سابق فاٹا اور پاٹا کے علاقوں میں سیلز ٹیکس ترمیمی ایکٹ کو بحال کر دیا ہے۔
جسٹس امین الدین خان کی سربراہی میں قائم پانچ رکنی آئینی بینچ نے فاٹا اور پاٹا میں سیلز ٹیکس قانون میں ترمیم کو کالعدم قرار دینے کے خلاف دائر اپیلوں پر سماعت کی۔
عدالت نے گھی اور اسٹیل ملز ایسوسی ایشن کی جانب سے دائر کردہ اپیلوں پر عبوری حکم جاری کرتے ہوئے پشاور ہائیکورٹ کا فیصلہ معطل کر دیا اور تمام فریقین کو نوٹسز جاری کر دیے۔
بعد ازاں عدالت عظمیٰ کے پانچ رکنی بینچ نے سیلز ٹیکس ترمیمی ایکٹ کو سابقہ فاٹا اور پاٹا میں دوبارہ نافذ کرتے ہوئے اپیلوں کی آئندہ سماعت غیر معینہ مدت تک ملتوی کر دی۔
یاد رہے کہ پشاور ہائی کورٹ نے اپنے فیصلے میں اس ایکٹ کو کالعدم قرار دے دیا تھا۔
