85
تنخواہ دار طبقے کے انکم ٹیکس میں حالیہ عرصے میں 21 فیصد اضافہ ہو گیا ہے، حالانکہ مجموعی ماہانہ ٹیکس کی وصولی میں 50 ارب روپے کی کمی رپورٹ کی گئی ہے۔
قومی اخبار کی رپورٹ کے مطابق، ایف بی آر کی رپورٹ میں بتایا گیا ہے کہ جولائی سے اگست کے دوران تنخواہ دار طبقے نے 85 ارب روپے انکم ٹیکس ادا کیے، جو گزشتہ سال اسی مدت میں وصول ہونے والے 70 ارب روپے سے 15 ارب روپے زیادہ ہے۔
یہ اعداد و شمار ظاہر کرتے ہیں کہ دو ماہ میں تنخواہ دار طبقے کے انکم ٹیکس میں 21 فیصد کا نمایاں اضافہ ہوا ہے۔ تاہم، اس کے باوجود مجموعی ٹیکس کی آمدنی میں کمی دیکھی گئی ہے، جس کی وجہ دیگر شعبوں سے ٹیکس کی کم وصولی ہو سکتی ہے۔
وفاقی حکومت کا گاڑیوں کے ٹوکن ٹیکس میں اضافہ کرنے کا فیصلہ
ماہرین کا کہنا ہے کہ انکم ٹیکس میں اس اضافے کا اثر تنخواہ دار طبقے پر مالی دباؤ بڑھانے والا ہو سکتا ہے، جس کا اثر صارفین کی خریداری اور معیشت کی مجموعی صورتحال پر پڑ سکتا ہے۔
