مسلم لیگ ن کے رہنما خواجہ سعد رفیق کا کہنا ہے کہ خیبرپختونخوا میں تحریک انصاف کی حکومت ناکام، 350 ڈیمز میں صرف 3 بنائے گئے۔
لاہور، مسلم لیگ ن کے رہنما خواجہ سعد رفیق نے کہا ہے کہ لاہور کے شہری اپنے شہر سے باہر نکل کر پشاور اور کراچی دیکھیں تو حکومت کی کارکردگی کا فرق واضح ہو جائے گا۔ سعد رفیق نے بیان میں کہا کہ 18 ویں ترمیم کے بعد کسی صوبے کو اختیار اور وسائل کی کمی کا جواز نہیں ملتا۔
انہوں نے خیبرپختونخوا کی حکومت پر تنقید کرتے ہوئے کہا کہ تحریک انصاف کی مسلسل تیسری حکومت ہے، اگر وہاں ایک ارب درخت لگائے جاتے تو موجودہ تباہی سے بچا جا سکتا تھا۔ انہوں نے مزید کہا کہ 350 ڈیمز میں سے کوئی ساڑھے 3 ڈیمز کے نام بتا دیں تو وہ مان جائیں گے۔
خواجہ سعد رفیق نے نواز شریف کے دور حکومت میں کالاباغ ڈیم بنانے کی کوششوں کا حوالہ دیتے ہوئے کہا کہ اس منصوبے کو سیاسی مخالفت کی نذر کر دیا گیا۔ ان کے مطابق موجودہ حکومتی اقدامات ناکافی اور غیر مؤثر ہیں، جس سے ملکی ترقی اور وسائل کا بہتر استعمال متاثر ہو رہا ہے۔
