10
پیرودھائی پولیس نے فوری کارروائی کرتے ہوئے شادی شدہ خاتون سے زیادتی کرنے والے شخص کو گرفتار کر لیا۔ مدعیہ مقدمہ کے مطابق زیر حراست شخص نے بلیک میل کر کے خاتون سے زیادتی کی۔
خاتون کی درخواست پر پولیس نے فوری مقدمہ درج کیا اور ملزم کو گرفتار کر لیا۔ متاثرہ خاتون کا میڈیکل پراسیس بھی مکمل کروایا جا رہا ہے تاکہ قانونی کارروائی کے لیے شواہد حاصل کیے جا سکیں۔
ایس پی راول سعد ارشد کے مطابق، زیر حراست شخص کو ٹھوس شواہد کے ساتھ چالان عدالت کیا جائے گا تاکہ وہ قانون کے مطابق سزا پا سکے۔
