راولپنڈی: اوباش نوجوانوں نے گرین بس پر پتھراؤ کر دیا، ایک مسافر زخمی

راولپنڈی کے علاقے چکلالہ اسٹیشن کے قریب اوباش نوجوانوں نے گرین بس پر پتھراؤ کیا، جس کے نتیجے میں بس کے شیشے ٹوٹ گئے اور ایک مسافر زخمی ہو گیا۔

واقعے کے بعد تھانہ چکلالہ پولیس نے بس کے کیپٹن کی مدعیت میں مقدمہ درج کیا اور حملہ کرنے والے 13 افراد کو گرفتار کر لیا۔ پولیس نے ملزمان کے قبضے سے ڈنڈے اور 7 موٹر سائیکلیں بھی برآمد کر لی ہیں۔

ایف آئی آر کے مطابق نوجوان ون ویلنگ کرتے ہوئے بس پر حملہ آور ہوئے، ڈنڈے مارے اور پتھراؤ کیا، جس کے نتیجے میں بس کے شیشے ٹوٹ گئے۔ پولیس نے موقع پر فوری کارروائی کرتے ہوئے ملزمان کو حراست میں لے لیا اور مزید تحقیقات جاری ہیں۔

راجن پور: مریم نواز نے گرین الیکٹرک بس منصوبے کا افتتاح کر دیا