14
راولپنڈی، نیشنل سائبر کرائم انویسٹی گیشن ایجنسی (NCCIA) کے سب انسپکٹر صارم علی خان کو مبینہ طور پر نامعلوم افراد نے اغواء کر لیا۔
پولیس کے مطابق سب انسپکٹر صارم علی خان 15 اگست کو نماز کی ادائیگی کے لیے گھر سے نکلے تھے تاہم واپس نہ لوٹے۔ ان کی گاڑی مسجد کے باہر سے ملی جبکہ ان کا موبائل فون مسلسل بند ہے۔
متاثرہ افسر کے بھائی کی مدعیت میں مقدمہ درج کر لیا گیا ہے۔ ایف آئی آر کے مطابق نامعلوم افراد نے صارم علی خان کو اغواء کیا ہے۔
پولیس حکام کا کہنا ہے کہ واقعے کی تحقیقات جاری ہیں اور افسر کی بازیابی کے لیے ٹیمیں تشکیل دے دی گئی ہیں۔
