دریائے راوی کا پانی لاہور کی مختلف آبادیوں میں داخل ہو گیا ہے جس کے باعث سیلاب کی صورتحال پیدا ہو گئی ہے۔
ضلعی انتظامیہ کے ترجمان کے مطابق تحصیل راوی کے فرخ آباد، تحصیل رائیونڈ کے تھیم پارک اور نانو ڈوگر کی بستیاں زیر آب آ گئی ہیں۔
سیلاب کے پیش نظر جیا موسی، سعید پارک، فرخ آباد، کروول گاؤں اور دیگر کئی علاقوں کے رہائشیوں کو محفوظ مقامات پر منتقل کر دیا گیا ہے۔ تحصیل رائیونڈ کے چوہنگ، تھیم پارک، مانگا منڈی، موہلنوال اور شاہ پور سے بھی ہزاروں خاندانوں کو محفوظ مقامات پر منتقل کیا جا چکا ہے۔
ضلعی انتظامیہ نے گلشن راوی، ملتان روڈ، بند روڈ، سند اور شاہ پور کے نجراں میں فلڈ ریلیف کیمپ قائم کر دیے ہیں جہاں سول ڈیفنس، طبی اور دیگر عملہ موجود ہے تاکہ متاثرین کی مدد کی جا سکے۔
پی ڈی ایم اے کی پنجاب میں سیلاب سے 12 ہلاکتوں کی تصدیق، 51 ہزار سے زائد افراد ریسکیو
وزیراعظم نے بھی سیلاب سے متاثرہ علاقوں کا فضائی جائزہ لے کر فوری ریلیف آپریشن کے ہدایات جاری کی ہیں تاکہ لوگوں کو محفوظ مقام منتقل کیا جا سکے اور نقصان کم سے کم ہو۔
