9
وفاقی وزیر غذائی تحفظ رانا تنویر نے ستائیسویں ترمیم میں صدر مملکت کو تاحیات استثنیٰ دیے جانے پر سوال اٹھا دیا۔
پارلیمنٹ ہاؤس میں سماء سے گفتگو کرتے ہوئے رانا تنویر نے کہا کہ سرکاری عہدے پر رہتے ہوئے صدر، وزیراعظم اور وزراء کو استثنیٰ حاصل ہونا بالکل درست ہے، لیکن صدر مملکت کو تاحیات استثنیٰ نہ لینا زیادہ بہتر ہوتا۔
انہوں نے مزید کہا کہ صدر مملکت کو استثنیٰ نہیں لینا چاہیے تھا اور سمجھ نہیں آتی کہ انہوں نے تاحیات استثنیٰ کیوں لیا۔
رانا تنویر نے واضح کیا کہ وزیراعظم اور وزراء کو بھی اپنے کام کے دوران کچھ نہ کچھ استثنیٰ حاصل ہے تاکہ وہ بار بار عدالتوں کے چکر نہ لگائیں، لیکن صدر مملکت کے لیے تاحیات استثنیٰ لینا غیر ضروری لگتا ہے۔
