کوئٹہ کے نواحی علاقے اغبرک میں کاؤنٹر ٹیررازم ڈپارٹمنٹ (سی ٹی ڈی) نے دہشت گردوں کے خلاف اہم کارروائی انجام دی۔ پولیس کے مطابق، آپریشن کے دوران سی ٹی ڈی اہلکاروں اور دہشت گردوں کے درمیان شدید فائرنگ کا تبادلہ ہوا، جس میں 10 دہشت گرد مارے گئے۔
ترجمان پولیس نے بتایا کہ ہلاک شدگان وہی دہشت گرد تھے جو مختلف تخریبی کارروائیوں اور سیکیورٹی فورسز پر حملوں میں ملوث تھے۔ اس کارروائی کے دوران دہشت گردوں سے بھاری مقدار میں جدید اسلحہ، گولہ بارود اور بارودی مواد بھی برآمد کیا گیا ہے۔
ذرائع کے مطابق، دہشت گرد ایک بڑی حملے کی منصوبہ بندی کر رہے تھے لیکن سی ٹی ڈی کو بروقت خفیہ اطلاع ملنے پر یہ آپریشن کامیابی سے مکمل کیا گیا، جس سے ان کا خطرناک منصوبہ ناکام ہو گیا۔
حکام نے مزید بتایا کہ علاقے میں سرچ آپریشن جاری ہے تاکہ کسی بھی ممکنہ خطرے کو مکمل طور پر ختم کیا جا سکے اور عوام کی حفاظت کو یقینی بنایا جا سکے۔
