22
کوئٹہ ، پیپلزپارٹی کے رکن صوبائی اسمبلی علی مدد جتک کے قافلے کے قریب دھماکہ ہوا ہے۔
پولیس کا بتانا ہے کہ دھماکہ سریاب روڈ پر علی مدد جتک کے قافلے کے قریب ہوا۔
پولیس کے مطابق رکن صوبائی اسمبلی علی مدد جتک اس دھماکے میں محفوظ رہے، تاہم ایک شخص جاں بحق اور 10 افرادشدید زخمی ہو گئے، زخمیوں کو ابتدائی طبی امداد کے بعد سول اسپتال کے حادثات کے شعبے سے ٹراما سینٹر منتقل کر دیا گیا ہے۔
پولیس کا بتانا ہے کہ بھارت کے خلاف پاکستان کی فتح کے موقع پر ہاکی گراؤنڈ میں جشن فتح کی تقریب منعقد کی جا رہی تھی، جس میں شرکت کے لیے علی مدد جتک ایک ریلی کی صورت میں آ رہے تھے۔
پولیس کے مطابق زوردار دھماکے کے بعد ہاکی گراؤنڈ میں ہونے والی تقریب کی سکیورٹی مزید سخت کر دی گئی ہے۔
