پنجاب حکومت کا محنت کشوں کے لیے بڑا اقدام: میرج اور ڈیتھ گرانٹ میں لاکھوں روپے اضافہ

پنجاب حکومت نے محنت کشوں کے لیے اہم مالی اقدام اٹھاتے ہوئے میرج گرانٹ اور ڈیتھ گرانٹ میں خاطر خواہ اضافہ کر دیا ہے۔

محکمہ لیبر کے مطابق اب محنت کشوں کے بچوں کی شادی کے موقع پر دی جانے والی میرج گرانٹ میں 2 لاکھ روپے کا اضافہ کیا گیا ہے، جس کے بعد یہ رقم 4 لاکھ سے بڑھا کر 6 لاکھ روپے ہو گئی ہے۔

اسی طرح محنت کشوں کے انتقال کی صورت میں ورثا کو دی جانے والی ڈیتھ گرانٹ بھی 8 لاکھ سے بڑھا کر 10 لاکھ روپے کر دی گئی ہے۔

حکومتی ترجمان نے اس اقدام کو محنت کش طبقے کی فلاح و بہبود اور مالی معاونت کو مضبوط بنانے کے لیے اہم قرار دیا ہے۔