8
لاہور: محکمہ اسکول ایجوکیشن پنجاب نے صوبے کے تمام سرکاری اور نجی اسکولوں میں طلبہ کے موبائل فون استعمال کرنے پر پابندی عائد کر دی ہے۔
جاری کردہ ہدایات کے مطابق پابندی کا اطلاق صوبے بھر کے تمام اسکولوں پر ہوگا۔ محکمہ نے تمام ضلعی ایجوکیشن اتھارٹیز کے سربراہان کو فوری طور پر احکامات پر عملدرآمد یقینی بنانے کی ہدایت کردی ہے۔
مراسلے میں کہا گیا ہے کہ اسکول انتظامیہ طلبہ کو موبائل فون استعمال سے روکنے کے ساتھ ساتھ انہیں ہم نصابی اور شخصیت سازی کی سرگرمیوں میں بھرپور شرکت کی ترغیب دے۔ اس اقدام کا مقصد بچوں کی تعلیمی توجہ میں اضافہ اور صحت مند سرگرمیوں کو فروغ دینا ہے۔
یہ فیصلہ پنجاب اسمبلی میں منظور کی گئی ایک قرارداد کے بعد لیا گیا ہے، جس میں اسکولوں میں موبائل فون کی وجہ سے پیدا ہونے والے منفی اثرات پر تشویش کا اظہار کیا گیا تھا۔
