10
تھانہ شہزاد ٹاؤن میں پی ٹی آئی کارکنوں کے خلاف امن عامہ ایکٹ سمیت 8 دفعات کے تحت مقدمہ درج، کارکنان بینرز اور ڈنڈوں سے لیس ہو کر دھرنے کی تیاری میں مصروف تھے۔
اسلام آباد ،پاکستان تحریک انصاف (پی ٹی آئی) کے کارکنوں پر 14 اگست کو دھرنے کی منصوبہ بندی کرنے کا مقدمہ درج کر لیا گیا۔
میڈیا رپورٹس کے مطابق مقدمہ اسلام آباد کے تھانہ شہزاد ٹاؤن میں درج کیا گیا، جس میں امن عامہ ایکٹ سمیت 8 دفعات شامل کی گئی ہیں۔ پولیس نے شہزاد ٹاؤن کے علاقے سے گرفتار کارکنان کو مقدمے میں نامزد کیا ہے۔
مقدمے کے متن کے مطابق ہوسٹل سٹی میں تقریباً 40 پی ٹی آئی کارکنان دھرنے سے متعلق کانفرنس کر رہے تھے۔ پولیس کے چھاپے کے دوران کارکنان بینرز اور ڈنڈوں سے لیس تھے اور اشتعال انگیز نعرے بازی شروع کر دی۔
پولیس کا کہنا ہے کہ کارکنان 14 اگست کو دھرنے میں شامل ہونے کا منصوبہ بنا رہے تھے، چھاپے کے دوران مزاحمت اور دھاوا بولنے پر انہیں حراست میں لیا گیا۔
