وزیراعظم کے مشیر برائے سیاسی امور رانا ثناء اللّٰہ نے کہا ہے کہ انہیں اندازہ ہے کہ پاکستان تحریکِ انصاف (پی ٹی آئی) کے بانی مذاکرات میں دلچسپی نہیں رکھتے اور ان کے ریاست سے ٹکراؤ کی پالیسی سے نقصان ہو گا۔
رانا ثناء اللّٰہ نے بتایا کہ وزیراعظم نے اسٹیبلشمنٹ اور اپنے لیڈر کو اعتماد میں لے کر مذاکرات کی پیشکش کی ہے، لیکن پی ٹی آئی کی قیادت کی طرف سے اس پر فی الحال کوئی مثبت ردعمل نہیں آیا۔
انہوں نے مزید کہا کہ ماضی کی ناکام کوششوں کے باوجود پی ٹی آئی، تحریکِ طالبان پاکستان (ٹی ٹی پی) کے ساتھ مذاکرات پر زور دے رہی ہے، اور صورتحال کو سیاسی نقطہ نظر سے دیکھنا ضروری ہے۔
جھوٹے مقدمات اور نفرت کی سیاست کرنے والے آج انجام بھگت رہے ہیں، رانا ثناء اللّٰہ
رانا ثناء اللّٰہ نے خبردار کیا کہ اپوزیشن 5 فروری کو احتجاجی پروگرام یا ‘پہیے جام’ جیسی تحریک کے ذریعے حکومت کو چیلنج کرے گی، جس کے بعد حکومت دوبارہ مذاکرات کی میز پر بات کرے گی۔ ان کے بقول، اپوزیشن سمجھتی ہے کہ ان کی تحریک حکومت کی طرف سے ایک ٹریپ کا حصہ ہے۔
