7
صدرمملکت آصف زرداری نے اردن کے شاہ عبداللہ دوئم کو اعلیٰ ترین سول ایوارڈ نشان پاکستان سے نوازا۔
ایوان صدر اسلام آباد میں ہونے والی اس تقریب میں دونوں ملکوں کے قومی ترانے بھی بجائے گئے۔ تقریب میں وزیر اعظم شہباز شریف، فیلڈ مارشل سید عاصم منیر، ائیر چیف مارشل ظہیر احمد بابر سدھو اور ایڈمرل نوید اشرف سمیت وفاقی کابینہ کے ارکان اور سفرا بھی موجود تھے۔
صدرمملکت نے شاہ عبداللہ دوئم کو یہ اعزاز دوطرفہ تعلقات کو مضبوط بنانے اور علاقائی و عالمی امن کے لیے ان کی خدمات کے اعتراف میں دیا۔
اس موقع پر شاہ عبداللہ دوئم نے صدرمملکت آصف زرداری کو اردن کے ایوارڈ ’’وسامُ النّہضہ المرصّع‘‘ سے نوازا، جو سربراہانِ مملکت اور معزز شخصیات کو دیا جاتا ہے۔
یہ تبادلہ اعزازات پاکستان اور اردن کے درمیان گہرے احترام، تحسین اور دوستانہ تعلقات کی علامت کے طور پر سامنے آیا۔
