6
وزیراعظم شہباز شریف ایک روزہ دورے پر کراچی پہنچ گئے، جہاں ان کا جناح انٹرنیشنل ائیرپورٹ پر وزیراعلیٰ سندھ مراد علی شاہ، چیف سیکرٹری اور آئی جی سندھ نے استقبال کیا۔
دورے کے دوران وزیراعظم آج کینٹ ریلوے اسٹیشن کراچی کی اپ گریڈیشن منصوبے کا افتتاح کریں گے۔ اس منصوبے کے تحت اسٹیشن کو جدید اور بہتر سہولیات فراہم کرنے کے لیے اپ گریڈ کیا گیا ہے تاکہ مسافروں کے لیے سفر مزید آسان اور آرام دہ بنایا جا سکے۔
وزیراعظم شہباز شریف کل ایک روزہ دورے پر کراچی پہنچیں گے
کراچی کے کینٹ اسٹیشن پر سی آئی پی لاؤنجز اور ویٹنگ ایریاز قائم کیے گئے ہیں، جبکہ لوگوں کی سہولت کے لیے ایکسیلیٹرز بھی نصب کیے گئے ہیں۔ اس کے علاوہ اسٹیشن پر ایگزیکٹو واش رومز، اے ٹی ایم مشینز اور مفت وائی فائی کی سہولت بھی متعارف کرادی گئی ہے، جس سے مسافروں کو جدید سہولیات میسر ہوں گی۔
