46
پاکستان نے پہلی بار مصنوعی ذہانت (AI) پر مبنی خودکار ڈرائیونگ ٹیسٹ کار تیار کر لی ہے، جس کا مقصد ٹیسٹ کے عمل کو شفاف، جدید اور انسانی مداخلت سے پاک بنانا ہے۔
ڈی آئی جی ٹریفک وقاص نذیر نے اس جدید ٹیسٹ کار کو متعارف کرواتے ہوئے بتایا کہ یہ گاڑی کیمروں، سینسرز، بائیو میٹرک سسٹم اور اے آئی سافٹ ویئر سے لیس ہے جو امیدوار کے ہر عمل پر نظر رکھتی ہے۔
کار کی نمایاں خصوصیات میں شامل ہیں:
- اندرونی چہرہ شناسائی کا کیمرہ
- چار بیرونی کیمرے
- فنگر پرنٹ تصدیق کے لیے بائیو میٹرک مشین
- خودکار ہدایات اور ٹائمر
- سیٹ بیلٹ اور ہینڈ بریک چیکنگ سسٹم
- ریورس گیئر کے بار بار استعمال پر خودکار فیل کا فیصلہ
ٹیسٹ کے اختتام پر نتائج خودکار نظام کے ذریعے فوری اپ لوڈ ہو جائیں گے، جس سے نہ صرف شفافیت بڑھے گی بلکہ انسانی غلطی یا جانبداری کا امکان بھی ختم ہو جائے گا۔
حکام کا کہنا ہے کہ اس اقدام سے ڈرائیونگ لائسنس کے اجرا کے نظام میں عوامی اعتماد میں اضافہ ہوگا اور مستقبل میں اس نظام کو مزید وسعت دی جائے گی۔
