15
سرباز خان اور عابد بیگ نے 7,708 میٹر بلند تریچ میر چوٹی سر کر لی، ٹیم کے دیگر کوہ پیما 7,300 میٹر تک پہنچے، وزیراعلیٰ خیبرپختونخوا کی مبارکباد۔
چترال، پاکستانی کوہ پیماؤں نے ہندوکش پہاڑی سلسلے کی بلند ترین چوٹی تریچ میر (7,708 میٹر) سر کرلی۔
محکمہ سیاحت خیبرپختونخوا کے مطابق گلگت بلتستان سے تعلق رکھنے والے معروف کوہ پیما **سرباز خان** اور **عابد بیگ** نے چوٹی پر پہنچ کر قومی پرچم لہرایا، جبکہ ٹیم کے دیگر 5 کوہ پیما خراب موسم کے باعث 7,300 میٹر تک ہی پہنچ سکے۔
ٹیم میں ڈائریکٹر ٹورازم اتھارٹی عمر خان، ڈاکٹر نوید اقبال، میجر محمد عاطف، شمس القمراور اکمل نوید شامل تھے۔
ڈائریکٹر ٹورازم اتھارٹی کا کہنا ہے کہ خیبرپختونخوا حکومت نے پہلی مرتبہ سرکاری سطح پر ترچ میر چوٹی سر کرنے کے لیے مہم کا اہتمام کیا۔
وزیراعلیٰ خیبرپختونخوا علی امین گنڈا پور نے پاکستانی کوہ پیماؤں کو اس تاریخی کامیابی پر مبارک باد دی اور اعلان کیا کہ حکومت نے کوہ پیماؤں کے لیے 2 سال کی رائلٹی فیس معاف کر دی ہے۔
